04.04.2025
Жұмыстағы денсаулық: тұрып жұмыс істеу кезінде өзіңізге қалай күтім жасау керек?
ваш текст
Дүкенде жұмыс істеу көп қозғалысты және күні бойы аяқта тұруды талап етеді. Бұл денсаулыққа әсер етіп, аяқтың шаршауы, белдің ауруы және ісінулерге әкелуі мүмкін.
Magnum компаниясында біз қызметкерлердің денсаулығына ерекше мән береміз: серіктестерімізден корпоративтік жеңілдіктер ұсынамыз, өзіңізге күтім жасауға арналған бастамаларды қолдаймыз және білікті мамандардың ұсыныстарымен бөлісеміз. Өйткені, өз денсаулығыңызды күту – басты басымдық.
Бұл мақалада тұрып жұмыс істеу кезінде денсаулықты сақтаудың тиімді тәсілдерін қарастырамыз. Expert Neuro клиникасының мамандары ұсынған қарапайым, бірақ пайдалы кеңестер жұмыс күнін жайлы әрі қауіпсіз етуге көмектеседі.
"
Бұл мәселелерді денсаулығыңызға қамқорлық жасап, қарапайым ережелерге бағына отырып болдырмауға болады.
"
Expert Neuro клиникасының кинезитерапевті Александр Травников денеге түскен салмақты азайтудың бірнеше әдісін ұсынады:
- Арқаны тік ұстаңыз – еңкіш тұрмаңыз, өйткені бұл белге түсетін қысымды азайтады.
- Аяқтың салмағын алмастырып тұрыңыз – әр 10 минут сайын бір аяқтан екіншісіне ауысу қан айналымын жақсартады.
- Тізені сәл бүгіңіз – бұл аяқтың тез шаршауын азайтып, буындарға түсетін қысымды төмендетеді.
- Қолда бар тіректі пайдаланыңыз – мысалы, касса, сөре немесе қабырғаға сүйену аяққа түсетін жүктемені жеңілдетеді.
- Ыңғайлы аяқ киім киіңіз – табаны жұмсақ, өкшесі 3 см-ден жоғары болмауы керек.
Бұл қарапайым әдеттер денеңізді жеңіл сезінуге және ауырсыну қаупін азайтуға көмектеседі.
Жұмыстан кейін аяқтағы ауырсыну мен шаршауды қалай азайтуға болады?
Күні бойы аяқта тұру денеге ауыр салмақ түсіреді, бірақ шаршауды жеңілдетуге көмектесетін қарапайым әдістер бар:
- Табан ұшына көтеріліңіз – 10-15 рет қайталаңыз, бұл аяқтың бұлшықеттерін нығайтады.
- Аяқты айналдырыңыз – отырып немесе тұрып, табаныңызды екі жаққа айналдырыңыз.
- Бұлшықеттерді созыңыз – бір аяғыңызды артқа қойып, қабырғаға сүйеніңіз, балтырдағы кернеуді сезініңіз.
- Массаж жасаңыз – табаны массаж шарымен немесе жай ғана қолмен уқалаңыз, бұл қан айналымын жақсартады.
- Жылы суға тұз қосып ванна жасаңыз – аяғыңызды 15 минут жылы суға салып демалдырыңыз.
- Салқын компресс қойыңыз – аяқтың ісінуі мен қабынуын азайтуға көмектеседі.
"
Бұл қарапайым қадамдар аяқтарыңызды тезірек қалпына келтіруге және дискомфорттың алдын алуға көмектеседі.
"
Денсаулықты сақтауға көмектесетін тұрақты жаттығулар
Тұрақты жаттығулар қан айналымын жақсартады, бұлшықеттердегі шаршау мен кернеуді кетіреді, денені икемді әрі тығыз етеді.
Өзіңізге күтім жасау – денсаулықтың кепілі!
Егер сіз күні бойы аяғыңызда жұмыс істесеңіз, дұрыс қалып (осанка), жайлы аяқ киім және үзілістер денсаулықты сақтауға көмектеседі. Егер ауырсыну ұзақ уақыт өтпесе, дәрігерге қаралу маңызды. Magnum қызметкерлері үшін Expert Neuro клиникасынан арнайы ұсыныстар бар.
Денсаулығыңызды күтуді кейінге қалдырмаңыз – ерте диагностика асқынулардың алдын алуға көмектеседі. Өзіңізге күтім жасаңыз және денсаулығыңызды қорғаңыз! Ал Magnum компаниясында еңбегі бағаланатын жұмыс орнын мына жерден таба аласыз:https://hr.magnum.kz/