Ұрпақтар теориясы: әр жастағы әріптестермен қалай тіл табысуға болады
03.11.2025

Ұрпақтар теориясы: әр жастағы әріптестермен қалай тіл табысуға болады

Кіріспе



Бүгінде Magnum компаниясында әртүрлі ұрпақ өкілдері жұмыс істейді — алғашқы еңбек жолын бастаған студенттерден бастап жиырма жылдық тәжірибесі бар мамандарға дейін. Біреуі кассада, біреуі дүкенді басқарады, енді бірі процестерді қолдайды немесе бизнестің жаңа бағыттарын дамытады. Әрқайсының жұмысқа, технологияға және қарым-қатынасқа деген көзқарасы бөлек.



Жастар: «Үлкен әріптестерді қалай түсінуге болады?» деп жиі сұрайды. Тәжірибелі мамандар: «Жастармен қалай жұмыс істеуге болады?» деп ойлайды.



Бұл сұрақтардың жауабын ұрпақтар теориясы береді — ол неге біз бір жағдайға әртүрлі реакция білдіретінімізді және осы айырмашылықтарды команда пайдасына қалай қолдануға болатынын түсіндіреді.



Неліктен ұрпақтар ерекшеленеді



Мәселе жаста емес — адам өскен ортада. Біздің көзқарасымызға өскен кездегі оқиғалар, сән, технологиялар және қоғам әсер етеді. Сондықтан бір-бірімізді жақсырақ түсіну үшін әр ұрпақтың ерекшелігін білу пайдалы.



Маңызды: бұл — шектеу қою немесе бағалау емес, тек жалпы үрдістер. Олар бізге өзгенің көзімен әлемге қарауға және әріптестердің мінез-құлқын жақсырақ ұғынуға көмектеседі.



Ұрпақтар жайлы

X ұрпағы (шамамен 1965–1980 жж.). Өзін-өзі қамтамасыз етуге үйренген, төзімді және жауапты адамдар. Қандай жағдайда өсті:



  • Кеңес дәуірінің соңғы жылдары — тұрақтылық пен тоқырау уақыты.
    1980-жылдары қайта құру басталды: еркіндік туралы көп айтылды, ескі жүйе күйреді
  • 1991 жылы КСРО тарады — адамдар үйренген жүйеден, жинаған қаражатынан және сенімділіктен айырылды.
  • 1990-жылдары — өзгеріс, инфляция, тапшылық, қылмыс. Тек тірі қалу маңызды болды.



Бұл нені қалыптастырды:



  • Мемлекет пен билік институттарына сенімсіздік.
  • Тек өзіне сенуге және тұрақтылықты бағалауға дағдылану.
  • Реализм, сақтық және прагматикалық көзқарас.
  • Білім мен кәсібилікті құрметтеу.
  • Тікелей, «тірі» байланысқа бейімділік — чаттан гөрі қоңырау шалуды қалайды.
  • Балалық шағы интернетсіз, бірақ кітаптармен және аулада ойнаумен өтті.


Жұмысқа көзқарасы: негізгі құндылық — сенімділік пен тәртіп. Тұрақтылық пен сабырлылықты тәуекелден жоғары қояды. Кәсібилікті, адалдықты және тікелей қарым-қатынасты бағалайды.



Y ұрпағы — миллениалдар (шамамен 1981–1996 жж.). «Аналог пен цифрдың арасында» өскен алғашқы буын: әрі кассетаны, әрі интернетті көрді. Қандай жағдайда өсті:



  • Балалық шағы — 1990-жылдардағы өзгерістер мен тұрақсыздық кезеңінде өтті.
  • Жастық шағы — 2000-жылдары, интернет пен ұялы телефондар пайда болған кезде.
  • MTV, шетел фильмдері, әлеуметтік желілер, алғашқы iPhone — әлем ашық болды.
  • 2008 жылғы дағдарыс «тұрақты өмірдің» де шайқалуы мүмкін екенін көрсетті.


Бұл нені қалыптастырды:



  • Өзгеріске бейімделе білу қабілеті.
  • Дамуға, оқуға, саяхаттауға және мансап құруға ұмтылыс.
  • Тек жалақы емес, мағынасы бар жұмысты қалау.
  • Шынайы кері байланысты және мойындауды бағалау.
  • Тұрақтылықты жоғалтып алудан қорқу, бірақ соған қарамастан өсуге ұмтылу.


Жұмысқа көзқарасы: олар үшін даму, жұмыстың мәнін сезіну және нәтижені көру маңызды. Өз идеяларының бағаланғанын және әділ кері байланысты қалайды.



Z ұрпағы — зумерлер (шамамен 1997–2012 жж.).Қандай жағдайда өсті:



  • Балалық шақтан бастап — интернет, YouTube, Instagram, TikTok.
  • Олар үшін онлайн мен офлайнның айырмасы жоқ — өмір бір кеңістік.
  • 2014 жылғы дағдарыс, COVID-19 пандемиясы, соғыстар мен санкциялар — болашақтың болжанбайтынын көрсетті.



Бұл нені қалыптастырды:



  • Шексіз ойлау — әлем тек өз елімен шектелмейді, бүкіл онлайн кеңістік.
  • Бостандық, таңдау, экология, толеранттылық және менталдық денсаулық құндылықтары.
  • Прагматизм — нақты не қажет екенін біледі және уақытты босқа өткізгісі келмейді.
  • Сынға сезімталдық — оларға құрметпен сөйлесу маңызды.
  • Дәстүрлі БАҚ пен саясаткерлерге сенімсіздік, бірақ нақты адамдарға — блогерлер мен сарапшыларға сенім бар.



Жұмысқа көзқарасы: олар үшін бастысы — еркіндік, сыйластық, жедел кері байланыс және айқын тапсырмалар. Прагматиктер, уақытты босқа кетірмейді.









Қорытынды

Бір командада әртүрлі ұрпақтардың болуы — қиындық емес, ресурс.Тәжірибе, энергия және жаңа көзқарас тоғысқанда, бір адам тудыра алмас идеялар пайда болады. Ең бастысы — “кім жақсы” деп дәлелдеу емес, тыңдай білу және түсіну. Magnum-та біз сенеміз:



"
Түсіністік жасқа емес, құрметке байланысты. Тыңдағанда ғана команда мықты болады
"


Шынайы түсіністік — құрметтен басталады. Адамның неге солай ойлайтынын түсінсең — реніш кетеді, ал оның орнын серіктестік басады.



Командада тәжірибе мен энергияны қатар бағалайтын ортада жұмыс істегіңіз келе ме? Біздің бос жұмыс орындарын қарап шығыңыз:



Астана қаласындағы бос орындар: https://hr.magnum.kz/shops/filter/city-of-employee-is-astana/apply/



Алматы қаласындағы бос орындар: https://hr.magnum.kz/shops/filter/city-of-employee-is-almaty/apply/



Magnum — ұрпақтар бір-бірінің орнына емес, бірге жұмыс істейтін команда.



Блогқа оралу